Tilkynna þarf framboð "til stjórnar" skriflega "til ritara klúbbsins" eigi síðar en 15. janúar, framboðslista skal byrta á heimasíðu klúbbsins 16. janúar.
Minnir mig á Rússland sáluga.

Hvers vegna er verið að skerða lýðræðið í klúbbnum ?

Eru VG búnir að taka yfir klúbbinn ?

Já hvað er í gangi er þetta ekki bara gott eins og það er.
Kv. félagi nr 185.

Jæja þá hafa tillögur að lagabreytingum stjórnar litið dagsins ljós. Ég verð að segja að þetta er mér ekki að skapi og þess vegna er ég ekki lengur í stjórn.

Það kom fram á síðasta stjórnarfundi er ég sat áður en ég sagði af mér að það þyrfti að koma í veg fyrir svona uppákomu eins og varð á síðasta aðalfundi þegar að ég og fleiri gáfum kost á okkur til starfa í óþökk sitjandi stjórnar.

Hver var þessi uppákoma sem var á þeim fundi jú félagar fóru eftir lögum félagsins og gáfu kost á sér.

Núna vill stjórnin mynda hlífðarmúr eins og tíðkast hjá stéttarfélögum til að gera félögum erfiðara með að komast að í stjórn.

Ég hef skoða lög fjöl margra mótorhjólaklúbba og engin er með svona fyrirvara varðandi framboð.

Þetta er áhugamannafélag og á að vera vel opið til að hægt sé að virkja þá sem eru til í að vinna fyrir klúbbinn en ekki að gera þeim erfiðara fyrir með svona kjaftæði.

Mér finnst ekkert að þessum lögum ef að þú ætlar að bjóða þig í stjórn þá veistu það fyrir aðalfundin. Ætir ekkert að hafa ervitt með að tilkynna það. Og gefur þá hinum aðilanum tíma til að smala á fundinn sem að þú myndir líklega gera sjálfur eins og hver annar maður.

Vinsamlega skrifið undir nafni. Þið þurfið ekki að skammast ykkar fyrir skoðanir ykkar eða er það ?

Menn tala um lýðræði, hvernig er þetta á Íslandi, standa frambjóðendur til Alþingiskosninga við kjörklefa og bjóða sig fram, Nei. Í Rússlandi vissu kjósendur ekki hverjir voru að bjóða sig fram, heldur var búið að ákveða þetta fyrir fram. Ég get ekki séð að svona lög geti komið veg fyrir það að menn geti boðið sig fram. Mín skoðun er sú að ef menn ætla að bjóða sig fram í stjórn félagsins, þá hlýtur það að vera vegna þess að viðkomandi telur að hann hafi eitthvað fram að færa fyrir klúbbinn. Ég tel að menn taki ekki ákvörðun um þetta að eingöngu á aðalfundi. Það að bjóða sig fram, hlýtur að vera eitthvað sem menn hafa hugsað um. Er eitthvað að því að félagsmaður viti hverjir ætla bjóða sig fram FYRIR aðalfund. Hann getur hugsanlega kynnt sér þá sem eru í framboði ,myndað sér skoðun um þá,en ekki tekið um þetta skyndiákvörðun á 1 mín þegar frambjóðandi stendur upp á aðalfundi og býður sig fram. Hvað eru menn að fela, fyrir aðalfundinn. Að það skulu vera slæmt að félagsmaður viti hverjir ætla að bjóða sig fram í stjórn fyrir aðalfundinn, það skil ég ekki. . Menn tala um að þetta sé ekki svona hjá öðrum klúbbum, ég spyr og HVAÐ MEÐ ÞAÐ, þá verða við bara fyrstir til að gera svona.

Sælir allir
Verum nú ekki með leiðindi þetta er það sem stjórnin vill breita og verðum við að virða það.
Við kusum þessa stjórn og verðum við að leifa þeim að vinna sína vinnu því ekki efast ég um að stjórnin sé að leika sér að breita lögum klúbbsins.Er viss um að þau telji þetta vera klúbbnum til góðs.
Svo er það okkar að mæta á fundinn og kjósa með eða á móti við höfum valið.
Kv
Raggi

Es
Ef þessi breyting verður samþykkt verða menn þá ekki að opna kostningaskrifstofu og útbíta barmerkjum og stuðaralímmiðum :-)

Sæl veriði.
Mér kemur þetta kannski ekkert við, en það er verið að vitna í lög annara klúbba svo ég fór að hugsa aðeins um þetta . Niðurstaðan eftir þær vangaveltur var sú að þetta ætti ekki að hefta nokkurn til að bjóða sig fram. Rökin sem #138
setur fram eru ansi góð . Við Postular ættum kannski að skella þessari klausu inn í lögin okkar.
Gangi ykkur vel með þetta og vonandi leysist þetta í góðu.
Kveðja Börkur Postuli #120

Mig langar að koma með smá dæmi fyrir alla að lesa. Það hafa komið ca 40-50 mans á aðalfundi hjá okkur. Segjum svo að "Dalton bræður " ætla að bjóða sig fram í stjórn Arna(Dalton bræður eru frekar vafasamir menn). Þeir ræða við ca 20 félagsmenn og sannfæra þá um að þeir séu þeir réttu til að stjóna klúbbnum.
Þeir segja við sína menn að það megi enginn tala um þetta.
Svo er aðalfundur,sitjandi stjórn var búinn að tala um að bjóða sig fram aftur, og hinn almenni félagsmaður er bara ekkert að mæta á fundinn, því það ætlar sama stjórn að vera og svo verða sýndar myndir frá síðasta sumri og bla bla. Þannig að hann nennir bara ekkert að koma. Það mæta svona ca 20 manns með stjórnarmönnum og svo mæta "vinir " Daltons og Dalton bræður. Þ.e ca 25 manns.Þannig að á fundinum eru ca 45 manns.Svo stendur fundarstjóri upp á aðalfundi og tilkynnir kosningar, sitjandi stjórn bíður sig fram. En þá standa upp Dalton-bræður og segjast ætla bjóða sig fram í öll embætti. Það er kosið og hvernig haldið þið að kosningin hafi farið. Ný stjórn Arna skipa Dalton-bræður, Þeir stjórna öllum peningamálum, þeir eru andlit klúbbsins.
EN ef nýju lögin ná gildi, þá komum við í veg fyrir það að svona geti gerst. Það geta allir boðið sig fram, hinn almenni félagsmaður veit hverjir ætla bjóða sig fram og klúbbfélaginn mættir á aðalfundinn og hann sem félagsmaður ætlar ekki að láta þessa Dalton-bræður fara með klúbbinn í eitthvað drullupitt .
Ég spyr kalla menn það lýðræði að einhver hópur geti komið(sem hefur eitthvað allt annað en skemmtilegt í huga) tekið við stjórn klúbbsins og gengið frá honum, bara ca 20-25 manns, hvað með alla hina ca 300 eða eitthvað um það bil. Það geta allir boðið sig fram, klúbbfélagi veit hver ætlar að bjóða sig fram til stjórnar.
Hvaða hlifðarmúr eru menn að tala um, þetta er algjörlega opið, hver sem er getur boðið sig fram(Fullgreiddur félagi). Ég legg til að menn hugsi svolítið um þetta, við erum nefnilega svolítið stór klúbbur, með tillögulega marga félagsmenn, en fáir einstaklingar geti eyðilagt klúbbinn og látið hann hverfa á einu ári. Þess vegna eigum við að reyna virkja sem flesta, sem flestir að koma á aðalfund(því menn koma bara ef eitthvað spennandi er að gerast eða þá einhverjar veitingar eru í boði).

Kær kveðja að kvöldi

Þakka Georg fyrir góða grein hér að ofan.

Það er margt sem getur réttlæt þessa tillögu, einnig er líka hægt að finna margt henni til foráttu.

En hvernig væri að skoða þetta aðeins betur ?

Eigum við ekki líka að reyna að tryggja það að ekki sé kosið um alla stjórnina í einu ?

Hvað með að kosið sé um hluta stjórnar annað hvert ár þannið að þegar nýtt fólk kemur inn að einhverjir séu eftir sem vita hvernig málum er háttað í daglegum rekstri klúbbsins ?

Þetta eru vangaveltur sem komu upp í hugann í framhaldi af umræðunni hér að ofan.

Blessuð öll saman.
Það mætti alveg athuga hvort að kjósa ætti um ákveðin embætti annað hvert ár eða að hafa hámarkstíma á samfeldri stjórnasetu. Kjósa t.d. um formann og meðstjórnendur eitt árið og síðan gjaldkera, varaformann og varamenn hitt árið. Formann og meðstjórnendur á oddatöluári og hina á sléttutöluári.
En þetta eru ný lög þannig að öll þau ár sem fólk er búið að vera í stjórn í dag getur ekki talist með. Ég vil fá sem flesta til að vera virkir í klúbbnum
Mig langar líka að vita hvað menn sjá að þessari tillögu, hvað hún kemur í veg fyrir. Það er nauðsynlegt til að hægt sé að gera kannski einhverjar breytingar á henni.Þetta er bara gert til að gera klúbbinn opnari fyrir alla, til að sem flestir viti hvað er í gangi.
Endilega skrifið álit ykkar, ekki bara lesa. Þetta verður að vera opið fyrir alla að koma með hugmyndir. OG MUNIÐ allir að skrifa undir nafni(eða númeri), þetta er ekkert leyndarmál.

Kær hjólakveðja
Georg H.

Legg þess tillögu fram til skoðunar.. 12.gr. Stjórn.
Í stjórn félagsins skulu kosnir 5 einstaklingar og tveir til vara. Tilkynna þarf framboð til stjórnar skriflega til ritara klúbbsins eigi síðar en 15. janúar, framboðslista skal birta á heimasíðu klúbbsins 16. janúar. Stjórn skal skipuð formanni, varaformanni, gjaldkera, tveimur meðstjórnendum og tveimur varamönnum. Kosið skal í embætti formanns, (formaður og varaformaður skulu kjörnir til tveggja ára í senn. Formann má ekki kjósa oftar en tvö kjörtímabil í röð). Gjaldkeri og tveir meðstjórnendur skulu kjörnir til tveggja ára í senn þó ekki þau sömu og formaður og varaformaður. Einnig skal kjósa tvo varamenn í stjórn.
Kosningu hljóta þeir er flest atkvæði fá. Að auki skal kjósa tvo
skoðunarmenn reikninga ásamt varamanni.
Verði atkvæði jöfn sker hlutkesti úr.

Þetta er góð tillaga.
Verður ekki að vera"Sama formann má ekki kjósa meira en tvö kjörtímabil í röð" og " skoðunarmenn reikinga skal kjósa um leið og formaður og varaforamður er kosinn"

Þetta er góð tillaga

Kv.
Georg H

Ég vill hér með lísa minni skoðnun á þessum lögum sem stjórnin er að leggja fram á þessum auka aðalfundi,það er ekki annað hægt en að dáðst af því sem Georg hefur verið skrifa um þessa breitingu og það er eigilega ekki hægt að bæta neinu við þetta hjá honum en ég er sammála honum í einu og öllu,en það má ræða hvernig skostning til stjórnar á að vera eins og með hversu leingi menn eigi að sitja í stjórn.Ég vill að menn mæti á þennan fund og samþykki þessi lög og hana nú,, Húrra Ernir..